अध्याय 308: भरत चित्रकूट के तीर्थ देखने की आज्ञा माँगते हैं

एक मनोरथ बड़ मन माहीं । सभयँ सकोच जात कहि नाहीं ॥
कहहु तात प्रभु आयसु पाई । बोले बानि सनेह सुहाई ॥

eka manoratha bar̤a mana māhīṃ | sabhayam̐ sakoca jāta kahi nāhīṃ ||
kahahu tāta prabhu āyasu pāī | bole bāni saneha suhāī ||

चित्रकूट मुनि-थल तीरथ बन । खग मृग सर सरि निर्झर गिरिगन ॥
प्रभु-पद अङ्कित अवनि बिसेखी । आयसु होइ त आवउँ देखी ॥

citrakūṭa muni-thala tīratha bana | khaga mṛga sara sari nirjhara girigana ||
prabhu-pada aṅkita avani bisekhī | āyasu hoi ta āvaum̐ dekhī ||

अवसि अत्रि आयसु सिर धरहू । तात बिगत-भय कानन चरहू ॥
मुनि प्रसाद बन मङ्गल-दाता । पावन परम सुहावन भ्राता ॥

avasi atri āyasu sira dharahū | tāta bigata-bhaya kānana carahū ||
muni prasāda bana maṅgala-dātā | pāvana parama suhāvana bhrātā ||

रिषि-नायक जहँ आयसु देहीं । राखेहु तीरथ-जल थल तेहीं ॥
सुनि प्रभु बचन भरत सुख पावा । मुनि-पद-कमल मुदित सिर नावा ॥

riṣi-nāyaka jaham̐ āyasu dehīṃ | rākhehu tīratha-jala thala tehīṃ ||
suni prabhu bacana bharata sukha pāvā | muni-pada-kamala mudita sira nāvā ||