अध्याय 307: भरत सन्तुष्ट, तीर्थजल के विषय में पूछते हैं

सभा सकल सुनि रघुबर बानी । प्रेम-पयोधि अमिय जनु सानी ॥
सिथिल समाज सनेह समाधी । देखि दसा चुप सारद साधी ॥

sabhā sakala suni raghubara bānī | prema-payodhi amiya janu sānī ||
sithila samāja saneha samādhī | dekhi dasā cupa sārada sādhī ||

भरतहि भयउ परम सन्तोषू । सनमुख स्वामि बिमुख दुख दोषू ॥
मुख प्रसन्न मन मिटा बिषादू । भा जनु गूँगेहि गिरा प्रसादू ॥

bharatahi bhayau parama santoṣū | sanamukha svāmi bimukha dukha doṣū ||
mukha prasanna mana miṭā biṣādū | bhā janu gūm̐gehi girā prasādū ||

कीन्ह सप्रेम प्रनाम बहोरी । बोले पानि-पङ्करुह जोरी ॥
नाथ भयउ सुख साथ गये को । लहेउँ लाहु जग जनम भये को ॥

kīnha saprema pranāma bahorī | bole pāni-paṅkaruha jorī ||
nātha bhayau sukha sātha gaye ko | laheum̐ lāhu jaga janama bhaye ko ||

अब कृपाल जस आयसु होई । करउँ सीस धरि सादर सोई ॥
सो अवलम्ब देव मोहि देई । अवधि पार पावउँ जेहि सेई ॥

aba kṛpāla jasa āyasu hoī | karaum̐ sīsa dhari sādara soī ||
so avalamba deva mohi deī | avadhi pāra pāvaum̐ jehi seī ||