अध्याय 309: सब भरत को सराहते हैं, अत्रि कूप बताते हैं

धन्य भरत जय राम गोसाँई । कहत देव हरषत बरिआई ॥
मुनि मिथिलेस सभाँ सब काहू । भरत बचन सुनि भयउ उछाहू ॥

dhanya bharata jaya rāma gosām̐ī | kahata deva haraṣata bariāī ||
muni mithilesa sabhām̐ saba kāhū | bharata bacana suni bhayau uchāhū ||

भरत राम गुन-ग्राम सनेहू । पुलकि प्रसंसत राउ-बिदेहू ॥
सेवक स्वामि सुभाउ सुहावन । नेम पेमु अति पावन पावन ॥

bharata rāma guna-grāma sanehū | pulaki prasaṃsata rāu-bidehū ||
sevaka svāmi subhāu suhāvana | nema pemu ati pāvana pāvana ||

मति अनुसार सराहन लागे । सचिव सभासद सब अनुरागे ॥
सुनि सुनि राम-भरत-सम्बादू । दुहुँ समाज हियँ हरष बिषादू ॥

mati anusāra sarāhana lāge | saciva sabhāsada saba anurāge ||
suni suni rāma-bharata-sambādū | duhum̐ samāja hiyam̐ haraṣa biṣādū ||

राम-मातु दुख सुख सम जानी । कहि गुन राम प्रबोधीं रानी ॥
एक कहहिं रघुबीर बड़ाई । एक सराहत भरत भलाई ॥

rāma-mātu dukha sukha sama jānī | kahi guna rāma prabodhīṃ rānī ||
eka kahahiṃ raghubīra bar̤āī | eka sarāhata bharata bhalāī ||