अध्याय 300: भरत क्षमा माँगकर आज्ञा की प्रतीक्षा करते हैं

सोक सनेहँ कि बाल सुभायें । आयउँ लाइ रजायसु बायें ॥
तबहुँ कृपाल हेरि निज ओरा । सबहि भाँति भल मानेउ मोरा ॥

soka saneham̐ ki bāla subhāyeṃ | āyaum̐ lāi rajāyasu bāyeṃ ||
tabahum̐ kṛpāla heri nija orā | sabahi bhām̐ti bhala māneu morā ||

देखेउँ पाय सुमङ्गल-मूला । जानेउँ स्वामि सहज अनुकूला ॥
बड़ें समाज बिलोकेउँ भागू । बड़ीं चूक साहिब अनुरागू ॥

dekheum̐ pāya sumaṅgala-mūlā | jāneum̐ svāmi sahaja anukūlā ||
bar̤eṃ samāja bilokeum̐ bhāgū | bar̤īṃ cūka sāhiba anurāgū ||

कृपा अनुग्रह अङ्ग अघाई । कीन्हि कृपानिधि सब अधिकाई ॥
राखा मोर दुलार गोसाँई । अपनें सील सुभायँ भलाईं ॥

kṛpā anugraha aṅga aghāī | kīnhi kṛpānidhi saba adhikāī ||
rākhā mora dulāra gosām̐ī | apaneṃ sīla subhāyam̐ bhalāīṃ ||

नाथ निपट मैं कीन्हि ढिठाई । स्वामि-समाज सकोच बिहाई ॥
अबिनय बिनय जथा रुचि बानी । छमिहि देउ अति आरत जानी ॥

nātha nipaṭa maiṃ kīnhi ḍhiṭhāī | svāmi-samāja sakoca bihāī ||
abinaya binaya jathā ruci bānī | chamihi deu ati ārata jānī ||