अध्याय 301: भरत की विनती, आज्ञा पालन ही सेवा

प्रभु-पद-पदुम पराग दोहाई । सत्य-सुकृत-सुख-सीवँ सुहाई ॥
सो करि कहउँ हिये अपने की । रुचि जागत सोवत सपने की ॥

prabhu-pada-paduma parāga dohāī | satya-sukṛta-sukha-sīvam̐ suhāī ||
so kari kahaum̐ hiye apane kī | ruci jāgata sovata sapane kī ||

सहज सनेहँ स्वामि सेवकाई । स्वारथ छल फल चारि बिहाई ॥
अज्ञा सम न सुसाहिब सेवा । सो प्रसाद जन पावै देवा ॥

sahaja saneham̐ svāmi sevakāī | svāratha chala phala cāri bihāī ||
ajñā sama na susāhiba sevā | so prasāda jana pāvai devā ||

अस कहि प्रेम बिबस भये भारी । पुलक सरीर बिलोचन बारी ॥
प्रभु-पद-कमल गहे अकुलाई । समउ सनेह न सो कहि जाई ॥

asa kahi prema bibasa bhaye bhārī | pulaka sarīra bilocana bārī ||
prabhu-pada-kamala gahe akulāī | samau saneha na so kahi jāī ||

कृपासिन्धु सनमानि सुबानी । बैठाये समीप गहि पानी ॥
भरत बिनय सुनि देखि सुभाऊ । सिथिल सनेहँ सभा रघुराऊ ॥

kṛpāsindhu sanamāni subānī | baiṭhāye samīpa gahi pānī ||
bharata binaya suni dekhi subhāū | sithila saneham̐ sabhā raghurāū ||