अध्याय 299: सेवक को अपने समान बनाने वाले प्रभु

राउरि रीति सुबानि बड़ाई । जगत बिदित निगमागम गाई ॥
कूर कुटिल खल कुमति कलङ्की । नीच निसील निरीस निसङ्की ॥

rāuri rīti subāni bar̤āī | jagata bidita nigamāgama gāī ||
kūra kuṭila khala kumati kalaṅkī | nīca nisīla nirīsa nisaṅkī ||

तेउ सुनि सरन सामुहें आये । सकृत प्रनाम किये अपनाये ॥
देखि दोष कबहुँ न उर आने । सुनि गुन साधु-समाज बखाने ॥

teu suni sarana sāmuheṃ āye | sakṛta pranāma kiye apanāye ||
dekhi doṣa kabahum̐ na ura āne | suni guna sādhu-samāja bakhāne ||

को साहिब सेवकहि नेवाजी । आपु समान साज सब साजी ॥
निज करतूति न समुझिअ सपनें । सेवक सकुच सोच उर अपनें ॥

ko sāhiba sevakahi nevājī | āpu samāna sāja saba sājī ||
nija karatūti na samujhia sapaneṃ | sevaka sakuca soca ura apaneṃ ||

सो गोसाइँ नहिं दूसर कोपी । भुजा उठाइ कहउँ पन रोपी ॥
पसु नाचत सुक पाठ प्रबीना । गुन गति नट पाठक आधीना ॥

so gosāim̐ nahiṃ dūsara kopī | bhujā uṭhāi kahaum̐ pana ropī ||
pasu nācata suka pāṭha prabīnā | guna gati naṭa pāṭhaka ādhīnā ||