अध्याय 296: श्रीराम जनक की आज्ञा मानने की शपथ लेते हैं

करि कुचालि सोचत सुरराजू । भरत हाथ सब काज अकाजू ॥
गये जनक रघुनाथ समीपा । सनमाने सब रविकुल-दीपा ॥

kari kucāli socata surarājū | bharata hātha saba kāja akājū ||
gaye janaka raghunātha samīpā | sanamāne saba ravikula-dīpā ||

समय समाज धरम अविरोधा । बोले तब रघुबंस-पुरोधा ॥
जनक भरत सम्बाद सुनाई । भरत कहाउति कही सुहाई ॥

samaya samāja dharama avirodhā | bole taba raghubaṃsa-purodhā ||
janaka bharata sambāda sunāī | bharata kahāuti kahī suhāī ||

तात राम जस आयसु देहू । सो सब करइ मोर मत एहू ॥
सुनि रघुनाथ जोरि जुग पानी । बोले सत्य सरल मृदु बानी ॥

tāta rāma jasa āyasu dehū | so saba karai mora mata ehū ||
suni raghunātha jori juga pānī | bole satya sarala mṛdu bānī ||

बिद्यमान आपुनि मिथिलेसू । मोर कहब सब भाँति भदेसू ॥
राउर राय रजायसु होई । राउरि सपथ सही सिर सोई ॥

bidyamāna āpuni mithilesū | mora kahaba saba bhām̐ti bhadesū ||
rāura rāya rajāyasu hoī | rāuri sapatha sahī sira soī ||