अध्याय 295: शारदा भरत की मति फेरने से मना करती हैं

सुरन्ह सुमिरि सारदा सराही । देबि देव सरनागत पाही ॥
फेरि भरत-मति करि निज माया । पालु बिबुध-कुल करि छल छाया ॥

suranha sumiri sāradā sarāhī | debi deva saranāgata pāhī ||
pheri bharata-mati kari nija māyā | pālu bibudha-kula kari chala chāyā ||

बिबुध बिनय सुनि देबि सयानी । बोली सुर स्वारथ जड़ जानी ॥
मो सन कहहु भरत मति फेरू । लोचन सहस न सूझ सुमेरू ॥

bibudha binaya suni debi sayānī | bolī sura svāratha jar̤a jānī ||
mo sana kahahu bharata mati pherū | locana sahasa na sūjha sumerū ||

बिधि-हरि-हर माया बड़ि भारी । सोउ न भरत-मति सकइ निहारी ॥
सो मति मोहि कहत करु भोरी । चन्दिनि कर कि चंडकर चोरी ॥

bidhi-hari-hara māyā bar̤i bhārī | sou na bharata-mati sakai nihārī ||
so mati mohi kahata karu bhorī | candini kara ki caṃḍakara corī ||

भरत हृदयँ सिय-राम निवासू । तहँ कि तिमिर जहँ तरनि प्रकासू ॥
अस कहि सारद गइ बिधि-लोका । बिबुध बिकल निसि मानहुँ कोका ॥

bharata hṛdayam̐ siya-rāma nivāsū | taham̐ ki timira jaham̐ tarani prakāsū ||
asa kahi sārada gai bidhi-lokā | bibudha bikala nisi mānahum̐ kokā ||