अध्याय 294: इन्द्र भरत के राम प्रेम से डरते हैं

भरत बचन सुनि देखि सुभाऊ । सहित समाज सराहत राऊ ॥
सुगम अगम मृदु मञ्जु कठोरे । अरथ अमित अति आखर थोरे ॥

bharata bacana suni dekhi subhāū | sahita samāja sarāhata rāū ||
sugama agama mṛdu mañju kaṭhore | aratha amita ati ākhara thore ||

ज्यौ मुख मुकुर मुकुर निज पानी । गहि न जाइ अस अदभुत बानी ॥
भूप भरत मुनि साधु समाजू । गे जहँ बिबुध-कुमुद-द्विजराजू ॥

jyau mukha mukura mukura nija pānī | gahi na jāi asa adabhuta bānī ||
bhūpa bharata muni sādhu samājū | ge jaham̐ bibudha-kumuda-dvijarājū ||

सुनि सुनि सोच बिकल सब लोगा । मनहुँ मीन-गन नव जल जोगा ॥
देवँ प्रथम कुल-गुरु गति देखी । निरखि बिदेह सनेह बिसेखी ॥

suni suni soca bikala saba logā | manahum̐ mīna-gana nava jala jogā ||
devam̐ prathama kula-guru gati dekhī | nirakhi bideha saneha bisekhī ||

राम भगति-मय भरत निहारे । सुर स्वारथी हहरि हियँ हारे ॥
सब कोउ राम-प्रेम-मय पेखा । भउ अलेख सोच बस लेखा ॥

rāma bhagati-maya bharata nihāre | sura svārathī hahari hiyam̐ hāre ||
saba kou rāma-prema-maya pekhā | bhau alekha soca basa lekhā ||