अध्याय 293: भरत स्वयं को बड़ों के अधीन रखते हैं

सुनि तन पुलकि नयन भरि बारी । बोले भरत धीर धरि भारी ॥
प्रभु प्रिय पूज्य पिता सम आपू । कुलगुरु सम हित माय न बापू ॥

suni tana pulaki nayana bhari bārī | bole bharata dhīra dhari bhārī ||
prabhu priya pūjya pitā sama āpū | kulaguru sama hita māya na bāpū ||

कौसिकादि मुनि सचिव समाजू । ग्यान अम्बुनिधि आपुन आजू ॥
सिसु-सेवक आयसु अनुगामी । जानि मोहि सिख देइअ स्वामी ॥

kausikādi muni saciva samājū | gyāna ambunidhi āpuna ājū ||
sisu-sevaka āyasu anugāmī | jāni mohi sikha deia svāmī ||

एहिं समाज थल बूझब राउर । मौन मलिन मैं बोलब बाउर ॥
छोटे बदन कहउँ बड़ि बाता । छमब तात लखि धाम बिधाता ॥

ehiṃ samāja thala būjhaba rāura | mauna malina maiṃ bolaba bāura ||
choṭe badana kahaum̐ bar̤i bātā | chamaba tāta lakhi dhāma bidhātā ||

आगम निगम प्रसिद्ध पुराना । सेवा-धरम कठिन जग जाना ॥
स्वामि-धरम स्वारथहि बिरोधू । बैर-अन्ध प्रेमहिं न प्रबोधू ॥

āgama nigama prasiddha purānā | sevā-dharama kaṭhina jaga jānā ||
svāmi-dharama svārathahi birodhū | baira-andha premahiṃ na prabodhū ||