अध्याय 292: जनक भरत से उनका मत पूछने जाते हैं

सुनि मुनि बचन जनक अनुरागे । लखि गति ज्ञान बिराग बिरागे ॥
सिथिल सनेहँ गुनत मन नाहीं । आये इहाँ कीन्ह भल नाहीं ॥

suni muni bacana janaka anurāge | lakhi gati jñāna birāga birāge ||
sithila saneham̐ gunata mana nāhīṃ | āye ihām̐ kīnha bhala nāhīṃ ||

रामहिं रायँ कहेउ बन जाना । कीन्ह आपु प्रिय प्रेम प्रवाना ॥
हम अब बन तेँ बनहिँ पठाई । प्रमुदित फिरब बिबेक बड़ाई ॥

rāmahiṃ rāyam̐ kaheu bana jānā | kīnha āpu priya prema pravānā ||
hama aba bana tem̐ banahim̐ paṭhāī | pramudita phiraba bibeka bar̤āī ||

तापस मुनि महिसुर सुनि देखी । भये प्रेम बस बिकल बिसेखी ॥
समउ समुझि धरि धीरज राजा । चले भरत पहिँ सहित समाजा ॥

tāpasa muni mahisura suni dekhī | bhaye prema basa bikala bisekhī ||
samau samujhi dhari dhīraja rājā | cale bharata pahim̐ sahita samājā ||

भरत आइ आगें भइ लीन्हे । अवसर सरिस सुआसन दीन्हे ॥
तात भरत कह तेरहुति राऊ । तुम्हहि बिदित रघुबीर सुभाऊ ॥

bharata āi āgeṃ bhai līnhe | avasara sarisa suāsana dīnhe ||
tāta bharata kaha terahuti rāū | tumhahi bidita raghubīra subhāū ||