अध्याय 289: भरत राम की आज्ञा कभी नहीं टालेंगे

अगम सबहि बरनत बरबरनी । जिमि जलहीन मीन गमु धरनी ॥
भरत अमित महिमा सुनु रानी । जानहिँ रामु न सकहिँ बखानी ॥

agama sabahi baranata barabaranī | jimi jalahīna mīna gamu dharanī ||
bharata amita mahimā sunu rānī | jānahim̐ rāmu na sakahim̐ bakhānī ||

बरनि सप्रेम भरत अनुभाऊ । तिय जिय की रुचि लखि कह राऊ ॥
बहुरहिँ लखन भरत बन जाहीँ । सब कर भल सब के मन माहीँ ॥

barani saprema bharata anubhāū | tiya jiya kī ruci lakhi kaha rāū ||
bahurahim̐ lakhana bharata bana jāhīm̐ | saba kara bhala saba ke mana māhīm̐ ||

देबि परन्तु भरत रघुबर की । प्रीति प्रतीति जाइ नहिँ तर की ॥
भरत अवधि सनेह ममता की । जद्यपि राम सीम समता की ॥

debi parantu bharata raghubara kī | prīti pratīti jāi nahim̐ tara kī ||
bharata avadhi saneha mamatā kī | jadyapi rāma sīma samatā kī ||

परमारथ स्वारथ सुख सारे । भरत न सपनेहुँ मनहुँ निहारे ॥
साधन सिद्धि राम-पग-नेहू । मोहि लखि परत भरत मत एहू ॥

paramāratha svāratha sukha sāre | bharata na sapanehum̐ manahum̐ nihāre ||
sādhana siddhi rāma-paga-nehū | mohi lakhi parata bharata mata ehū ||