अध्याय 288: जनक कहते हैं, भरत की महिमा अकथनीय

सुनि भूपाल भरत व्यवहारू । सोन सुगन्ध सुधा ससि-सारू ॥
मूदे सजल नयन पुलके तन । सुजस सराहन लगे मुदित मन ॥

suni bhūpāla bharata vyavahārū | sona sugandha sudhā sasi-sārū ||
mūde sajala nayana pulake tana | sujasa sarāhana lage mudita mana ||

सावधान सुनु सुमुखि सुलोचनि । भरत कथा भव-बन्ध बिमोचनि ॥
धरम राज-नय ब्रह्म-बिचारू । इहाँ जथामति मोर प्रचारू ॥

sāvadhāna sunu sumukhi sulocani | bharata kathā bhava-bandha bimocani ||
dharama rāja-naya brahma-bicārū | ihām̐ jathāmati mora pracārū ||

सो मति मोरि भरत महिमाही । कहइ काह छलि छुअति न छाँही ॥
बिधि गनपति अहिपति सिव सारद । कबि कोबिद बुध बुद्धि-बिसारद ॥

so mati mori bharata mahimāhī | kahai kāha chali chuati na chām̐hī ||
bidhi ganapati ahipati siva sārada | kabi kobida budha buddhi-bisārada ||

भरत चरित कीरति करतूती । धरम सील गुन बिमल बिभूती ॥
समुझत सुनत सुखद सब काहू । सुचि सुरसरि रुचि निदर सुधाहू ॥

bharata carita kīrati karatūtī | dharama sīla guna bimala bibhūtī ||
samujhata sunata sukhada saba kāhū | suci surasari ruci nidara sudhāhū ||