अध्याय 287: जनक की सीता प्रशंसा, सुनयना कहती भरत की बात

तापस बेष जनक सिय देखी । भयउ पेमु परितोष बिसेखी ॥
पुत्रि पवित्र किये कुल दोऊ । सुजस धवल जग कह सब कोऊ ॥

tāpasa beṣa janaka siya dekhī | bhayau pemu paritoṣa bisekhī ||
putri pavitra kiye kula doū | sujasa dhavala jaga kaha saba koū ||

जिति सुरसरि कीरति-सरि तोरी । गवन कीन्ह बिधि अंड करोरी ॥
गंग अवनि थल तीनि बड़ेरे । एहिं किए साधु समाज घनेरे ॥

jiti surasari kīrati-sari torī | gavana kīnha bidhi aṃḍa karorī ||
gaṃga avani thala tīni bar̤ere | ehiṃ kie sādhu samāja ghanere ||

पितु कह सत्य सनेहँ सुबानी । सीय सकुच महँ मनहुँ समानी ॥
पुनि पितु मातु लीन्हि उर लाई । सिख आसिष हित दीन्हि सुहाई ॥

pitu kaha satya saneham̐ subānī | sīya sakuca maham̐ manahum̐ samānī ||
puni pitu mātu līnhi ura lāī | sikha āsiṣa hita dīnhi suhāī ||

कहति न सीय सकुचि मन माहीँ । इहाँ बसब रजनीं भल नाहीॅं ॥
लखि रुख रानि जनायउ राऊ । हृदयँ सराहत सील सुभाऊ ॥

kahati na sīya sakuci mana māhīm̐ | ihām̐ basaba rajanīṃ bhala nāhīॅṃ ||
lakhi rukha rāni janāyau rāū | hṛdayam̐ sarāhata sīla subhāū ||