अध्याय 277: राम प्रेम बिना ज्ञान बिना माँझी की नाव

जासु ज्ञान रवि भव-निसि नासा । बचन किरन मुनि कमल बिकासा ॥
तेहि कि मोह ममता निअराई । यह सिय-राम सनेह बड़ाई ॥

jāsu jñāna ravi bhava-nisi nāsā | bacana kirana muni kamala bikāsā ||
tehi ki moha mamatā niarāī | yaha siya-rāma saneha bar̤āī ||

विषयी साधक सिद्ध सयाने । त्रिविधि जीव जग बेद बखाने ॥
राम-सनेह-सरस मन जासू । साधु सभाँ बड़ आदर तासू ॥

viṣayī sādhaka siddha sayāne | trividhi jīva jaga beda bakhāne ||
rāma-saneha-sarasa mana jāsū | sādhu sabhām̐ bar̤a ādara tāsū ||

सोह न राम-पेम बिनु ज्ञानू । करनधार बिनु जिमि जलजानू ॥
मुनि बहु बिधि बिदेह समुझाये । रामघाट सब लोग नहायें ॥

soha na rāma-pema binu jñānū | karanadhāra binu jimi jalajānū ||
muni bahu bidhi bideha samujhāye | rāmaghāṭa saba loga nahāyeṃ ||

सकल सोक-सङ्कुल नर नारी । सो बासर बीतेउ बिनु बारी ॥
पसु-खग-मृगन्ह न कीन्ह अहारू । प्रिय परिजन कर कवन बिचारू ॥

sakala soka-saṅkula nara nārī | so bāsara bīteu binu bārī ||
pasu-khaga-mṛganha na kīnha ahārū | priya parijana kara kavana bicārū ||