अध्याय 278: सभा में उपदेश और वनवासियों के फल

जे महिसुर दसरथ पुर बासी । जे मिथिलापति नगर निवासी ॥
हंस बंस गुरु जनक पुरोधा । जिन्ह जग मग परमारथ सोधा ॥

je mahisura dasaratha pura bāsī | je mithilāpati nagara nivāsī ||
haṃsa baṃsa guru janaka purodhā | jinha jaga maga paramāratha sodhā ||

लगे कहन उपदेस अनेका । सहित धरम नय बिरति बिबेका ॥
कौसिक कहि कहि कथा पुरानीं । समुझाई सब सभा सुबानीं ॥

lage kahana upadesa anekā | sahita dharama naya birati bibekā ||
kausika kahi kahi kathā purānīṃ | samujhāī saba sabhā subānīṃ ||

तब रघुनाथ कोसिकहि कहेऊ । नाथ कालि जल बिनु सब रहेऊ ॥
मुनि कह उचित कहत रघुराई । गयउ बीति दिन पहर अढ़ाई ॥

taba raghunātha kosikahi kaheū | nātha kāli jala binu saba raheū ||
muni kaha ucita kahata raghurāī | gayau bīti dina pahara ar̤hāī ||

रिषि रुख लखि कह तिरहुति राजू । इहाँ उचित नहिँ असन अनाजू ॥
कहा भूप भल सबहि सोहाना । पाइ रजायसु चले नहाना ॥

riṣi rukha lakhi kaha tirahuti rājū | ihām̐ ucita nahim̐ asana anājū ||
kahā bhūpa bhala sabahi sohānā | pāi rajāyasu cale nahānā ||