अध्याय 271: जनकपुर में अवध का समाचार

कोसलपति गति सुनि जनकौरा । भे सब लोग सोक-बस बौरा ॥
जेहिं देखे तेहि समय विदेहू । नाम सत्य अस लाग न केहू ॥

kosalapati gati suni janakaurā | bhe saba loga soka-basa baurā ||
jehiṃ dekhe tehi samaya videhū | nāma satya asa lāga na kehū ||

रानि कुचालि सुनत नरपालहि । सूझ न कछु जस मनि बिनु ब्यालहि ॥
भरत-राज रघुबर-बनबासू । भा मिथिलेसहि हृदयँ हराँसू ॥

rāni kucāli sunata narapālahi | sūjha na kachu jasa mani binu byālahi ||
bharata-rāja raghubara-banabāsū | bhā mithilesahi hṛdayam̐ harām̐sū ||

नृप बूझे बुध-सचिव-समाजू । कहहु बिचारि उचित का आजू ॥
समुझि अवध असमंजस दोऊ । चलिय कि रहिय न कह कछु कोऊ ॥

nṛpa būjhe budha-saciva-samājū | kahahu bicāri ucita kā ājū ||
samujhi avadha asamaṃjasa doū | caliya ki rahiya na kaha kachu koū ||

नृपहि धीर धरि हृदयँ बिचारी । पठये अवध चतुर चर चारी ॥
बूझि भरत सति भाउ कुभाऊ । आएहु बेगि न होइ लखाऊ ॥

nṛpahi dhīra dhari hṛdayam̐ bicārī | paṭhaye avadha catura cara cārī ||
būjhi bharata sati bhāu kubhāū | āehu begi na hoi lakhāū ||