अध्याय 27: कैकेयी का कपट और वरदान की माँग

पुनि कह राउ सुह्रद जियँ जानी । प्रेम पुलकि मृदु मञ्जुल बानी ॥
भामिनि भयउ तोर मन भावा । घर घर नगर अनन्द-बधावा ॥

puni kaha rāu suhrada jiyam̐ jānī | prema pulaki mṛdu mañjula bānī ||
bhāmini bhayau tora mana bhāvā | ghara ghara nagara ananda-badhāvā ||

रामहिँ देउँ कालि जुबराजू । सजहि सुलोचनि मङ्गल-साजू ॥
दलकि उठेउ सुनि ह्रदउ कठोरू । जनु छुइ गयउ पाक बरतोरू ॥

rāmahim̐ deum̐ kāli jubarājū | sajahi sulocani maṅgala-sājū ||
dalaki uṭheu suni hradau kaṭhorū | janu chui gayau pāka baratorū ||

ऐसिउ पीर बिहँसि तेहि गोई । चोर-नारि जिमि प्रगटि न रोई ॥
लखी न भूप कपट चतुराई । कोटि कुटिल-मनि गुरू पढ़ाई ॥

aisiu pīra biham̐si tehi goī | cora-nāri jimi pragaṭi na roī ||
lakhī na bhūpa kapaṭa caturāī | koṭi kuṭila-mani gurū par̤hāī ||

जद्यपि नीति-निपुन नर-नाहू । नारि-चरित जलनिधि अवगाहू ॥
कपट सनेह बढ़ाइ बहोरी । बोली बिहँसि नयन मुँह मोरी ॥

jadyapi nīti-nipuna nara-nāhū | nāri-carita jalanidhi avagāhū ||
kapaṭa saneha bar̤hāi bahorī | bolī biham̐si nayana mum̐ha morī ||