अध्याय 28: रघुकुल रीति: प्राण जाएँ पर वचन न जाए

जानेउँ मरम राउ हँसि कहई । तुम्हहिँ कोहाब परम प्रिय अहई ॥
थाती राखि न मागिहु काऊ । बिसरि गयउ मोहि भोर सुभाऊ ॥

jāneum̐ marama rāu ham̐si kahaī | tumhahim̐ kohāba parama priya ahaī ||
thātī rākhi na māgihu kāū | bisari gayau mohi bhora subhāū ||

झूठेहुँ हमहिँ दोष जनि देहू । दुइ कै चारि माँगि मकु लेहू ॥
रघुकुल-रीति सदा चलि आई । प्रान जाहु बरु बचन न जाई ॥

jhūṭhehum̐ hamahim̐ doṣa jani dehū | dui kai cāri mām̐gi maku lehū ||
raghukula-rīti sadā cali āī | prāna jāhu baru bacana na jāī ||

नहिँ असत्य सम पातक-पुञ्जा । गिरि सम होहिँ कि कोटिक गुञ्जा ॥
सत्य-मूल सब सुकृत सुहाये । बेद पुरान बिदित मनु गाये ॥

nahim̐ asatya sama pātaka-puñjā | giri sama hohim̐ ki koṭika guñjā ||
satya-mūla saba sukṛta suhāye | beda purāna bidita manu gāye ||

तेहि पर राम-सपथ करि आई । सुकृत-सनेह-अवधि रघुराई ॥
बात दृढाइ कुमति हँसि बोली । कुमत-कुबिहग कुलह जनु खोली ॥

tehi para rāma-sapatha kari āī | sukṛta-saneha-avadhi raghurāī ||
bāta dṛḍhāi kumati ham̐si bolī | kumata-kubihaga kulaha janu kholī ||