5 श्लोक · 26 में से 326
राजा बोले, प्रिये, तुम्हारा अहित किसने किया? किसके दो सिर हैं, किसे यमराज ले जाना चाहते हैं? कहो, किस कंगाल को राजा बना दूँ, किस राजा को देश से निकाल दूँ? तुम्हारा शत्रु अमर भी हो तो मार दूँ, बेचारे नर-नारी क्या हैं। तुम मेरा स्वभाव जानती हो, मेरा मन तुम्हारे मुखचन्द्र का चकोर है। मेरे प्राण, पुत्र, सर्वस्व, परिवार और प्रजा सब तुम्हारे वश में हैं। यदि कपट करके कुछ कहूँ तो मुझे श्रीराम की सौ शपथ। हँसकर मनचाहा माँगो, गहने पहनो और शीघ्र यह कुवेश छोड़ो। यह सुनकर और बड़ी शपथ का विचार करके वह मन्दबुद्धि हँसती हुई उठी और गहने पहनने लगी, मानो हिरन देखकर भीलनी फन्दा सजा रही हो।
अनहित तोर प्रिया केइँ कीन्हा । केहि दुइ सिर केहि जमु चह लीन्हा ॥
कहु केहि रङ्कहि करउँ नरेसू । कहु केहि नृपहि निकासौं देसू ॥
anahita tora priyā keim̐ kīnhā | kehi dui sira kehi jamu caha līnhā ||
kahu kehi raṅkahi karaum̐ naresū | kahu kehi nṛpahi nikāsauṃ desū ||
सकउँ तोर अरि अमरउ मारी । काह कीट बपुरे नर नारी ॥
जानसि मोर सुभाव बरोरू । मन तव आनन-चन्द चकोरू ॥
sakaum̐ tora ari amarau mārī | kāha kīṭa bapure nara nārī ||
jānasi mora subhāva barorū | mana tava ānana-canda cakorū ||
प्रिया प्रान-सुत-सरबस मोरें । परिजन-प्रजा-सकल बस तोरें ॥
जौँ कछु कहउँ कपट करि तोही । भामिनि राम सपथ सत मोही ॥
priyā prāna-suta-sarabasa moreṃ | parijana-prajā-sakala basa toreṃ ||
jaum̐ kachu kahaum̐ kapaṭa kari tohī | bhāmini rāma sapatha sata mohī ||
बिहँसि माँगु मनभावति बाता । भूषन सजहि मनोहर गाता ॥
घरी कुघरी समुझि जियँ देखू । बेगि प्रिया परिहरहि कुबेखू ॥
biham̐si mām̐gu manabhāvati bātā | bhūṣana sajahi manohara gātā ||
gharī kugharī samujhi jiyam̐ dekhū | begi priyā pariharahi kubekhū ||
यह सुनि मन गुनि सपथ बड़ि, बिहँसि उठी भति-मन्द ।
भूषन सजति बिलोकि मृग, मनहुँ किरातिनि फन्द ॥
yaha suni mana guni sapatha bar̤i, biham̐si uṭhī bhati-manda |
bhūṣana sajati biloki mṛga, manahum̐ kirātini phanda ||
पाठ का स्रोत: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
