अध्याय 267: भरत कहते हैं, मेरा व्यर्थ डर मिट गया

कहउँ कहावौं का अब स्वामी । कृपा-अम्बुनिधि अन्तरजामी ॥
गुरु-प्रसन्न साहिब अनुकूला । मिटी मलिन मन कलपित सूला ॥

kahaum̐ kahāvauṃ kā aba svāmī | kṛpā-ambunidhi antarajāmī ||
guru-prasanna sāhiba anukūlā | miṭī malina mana kalapita sūlā ||

अपडर डरेउँ न सोच समूलें । रबिहि न दोस देव दिसि भूलें ॥
मोर अभाग मातु कुटिलाई । बिधि-गति-विषम काल-कठिनाई ॥

apaḍara ḍareum̐ na soca samūleṃ | rabihi na dosa deva disi bhūleṃ ||
mora abhāga mātu kuṭilāī | bidhi-gati-viṣama kāla-kaṭhināī ||

पाउँ रोपि सब मिलि मोहि घाला । प्रनतपाल पन आपन पाला ॥
यह नइ रीति न राउरि होई । लोकहु बेद बिदित नहिँ गोई ॥

pāum̐ ropi saba mili mohi ghālā | pranatapāla pana āpana pālā ||
yaha nai rīti na rāuri hoī | lokahu beda bidita nahim̐ goī ||

जग अनभल भल एक गोसाँई । कहिय होइ भल कासु भलाईं ॥
देव देवतरु सरिस सुभाऊ । सनमुख बिमुख न काहुहि काऊ ॥

jaga anabhala bhala eka gosām̐ī | kahiya hoi bhala kāsu bhalāīṃ ||
deva devataru sarisa subhāū | sanamukha bimukha na kāhuhi kāū ||