अध्याय 268: भरत तीन उपाय रखते हैं

लखि सब बिधि गुर स्वामि सनेहू । मिटेउ छोभ नहिँ मन सन्देहू ॥
अब करुनाकर कीजिय सोई । जन हित प्रभु चित छोभ न होई ॥

lakhi saba bidhi gura svāmi sanehū | miṭeu chobha nahim̐ mana sandehū ||
aba karunākara kījiya soī | jana hita prabhu cita chobha na hoī ||

जो सेवक साहिबहि सँकोची । निज हित चहइ तासु मति पोची ॥
सेवक-हित साहिब सेवकाई । करइ सकल मुख लोभ बिहाई ॥

jo sevaka sāhibahi sam̐kocī | nija hita cahai tāsu mati pocī ||
sevaka-hita sāhiba sevakāī | karai sakala mukha lobha bihāī ||

स्वारथु नाथ फिरें सबही का । किये रजाइ कोटि बिधि नीका ॥
यह स्वारथ परमारथ-सारु । सकल सुकृत-फल सुगति-सिँगारू ॥

svārathu nātha phireṃ sabahī kā | kiye rajāi koṭi bidhi nīkā ||
yaha svāratha paramāratha-sāru | sakala sukṛta-phala sugati-sim̐gārū ||

देव एक बिनती सुनि मोरी । उचित होइ तस करब बहोरी ॥
तिलक समाज साजि सब आना । करिय सुफल प्रभु जौँ मन माना ॥

deva eka binatī suni morī | ucita hoi tasa karaba bahorī ||
tilaka samāja sāji saba ānā | kariya suphala prabhu jaum̐ mana mānā ||