अध्याय 263: राम भरत को सांत्वना देकर निर्दोष बताते हैं

सुनि अति बिकल भरत बर बानी । आरति-प्रीति-बिनय-नय सानी ॥
सोक मगन सब सभाँ खभारू । मनहुँ कमल-बन परेउ तुसारू ॥

suni ati bikala bharata bara bānī | ārati-prīti-binaya-naya sānī ||
soka magana saba sabhām̐ khabhārū | manahum̐ kamala-bana pareu tusārū ||

कहि अनेक बिधि कथा पुरानी । भरत प्रबोध कीन्ह, मुनि-ज्ञानी ॥
बोले उचित बचन रघुनन्दू । दिनकर-कुल-कैरव-बन-चन्दू ॥

kahi aneka bidhi kathā purānī | bharata prabodha kīnha, muni-jñānī ||
bole ucita bacana raghunandū | dinakara-kula-kairava-bana-candū ||

तात जाय जियँ करहु गलानी । ईस अधीन जीव गति जानी ॥
तीनि-काल तिभुअन मत मोरें । पुन्यसिलोक तात तर तोरे ॥

tāta jāya jiyam̐ karahu galānī | īsa adhīna jīva gati jānī ||
tīni-kāla tibhuana mata moreṃ | punyasiloka tāta tara tore ||

उर आनत तुम्ह पर कुटिलाई । जाइ लोक-परलोक नसाई ॥
दोस देहिँ जननिहि जड़ तेई । जिन्ह गुरु-साधु सभा नहिँ सेई ॥

ura ānata tumha para kuṭilāī | jāi loka-paraloka nasāī ||
dosa dehim̐ jananihi jar̤a teī | jinha guru-sādhu sabhā nahim̐ seī ||