अध्याय 262: भरत अपने कारण हुए दुख गिनाते हैं

भूपति-मरन पेम पनु राखी । जननी कुमति जगत सब साखी ॥
देखि न जाहिँ बिकल महतारी । जरहिं दुसह जर पुर-नर-नारी ॥

bhūpati-marana pema panu rākhī | jananī kumati jagata saba sākhī ||
dekhi na jāhim̐ bikala mahatārī | jarahiṃ dusaha jara pura-nara-nārī ||

महीं सकल अनरथ कर मूला । सो सुनि समुझि सहिउँ सब सूला ॥
सुनि बन-गवन कीन्ह रघुनाथा । करि मुनि बेष लखन-सिय साथा ॥

mahīṃ sakala anaratha kara mūlā | so suni samujhi sahium̐ saba sūlā ||
suni bana-gavana kīnha raghunāthā | kari muni beṣa lakhana-siya sāthā ||

बिनु पानहिन्ह पयादेहि पाये । संकर साखि रहेउँ एहि घाये ॥
बहुरि निहारि निषाद सनेहू । कुलिस कठिन उर भयउ न बेहू ॥

binu pānahinha payādehi pāye | saṃkara sākhi raheum̐ ehi ghāye ||
bahuri nihāri niṣāda sanehū | kulisa kaṭhina ura bhayau na behū ||

अब सब आँखिन्ह देखेउं आई । जिअत जीव जड़ सबइ सहाई ॥
जिन्हहि निरखि मग साँपिनि बीछी । तजहिं विषम बिषु तामस तीछी ॥

aba saba ām̐khinha dekheuṃ āī | jiata jīva jar̤a sabai sahāī ||
jinhahi nirakhi maga sām̐pini bīchī | tajahiṃ viṣama biṣu tāmasa tīchī ||