अध्याय 260: भरत बचपन से राम की कृपा याद करते हैं

सुनि मुनि बचन राम रूख पाई । गुरु साहिब अनुकूल अघाई ॥
लखि अपने सिर सब छरु भारू । कहि न सकहिँ कछु करहिँ बिचारू ॥

suni muni bacana rāma rūkha pāī | guru sāhiba anukūla aghāī ||
lakhi apane sira saba charu bhārū | kahi na sakahim̐ kachu karahim̐ bicārū ||

पुलकि सरीर सभाँ भये ठाढें । नीरज-नयन नेह-जल बाढ़ें ॥
कहब मोर मुनिनाथ निबाहा । एहि तें अधिक कहउँ मैं काहा ॥

pulaki sarīra sabhām̐ bhaye ṭhāḍheṃ | nīraja-nayana neha-jala bār̤heṃ ||
kahaba mora muninātha nibāhā | ehi teṃ adhika kahaum̐ maiṃ kāhā ||

मैं जानउँ निज-नाथ सुभाऊ । अपराधिहु पर कोह न काऊ ॥
मो पर कृपा सनेह बिसेखी । खेलत खुनिस न कबहूँ देखी ॥

maiṃ jānaum̐ nija-nātha subhāū | aparādhihu para koha na kāū ||
mo para kṛpā saneha bisekhī | khelata khunisa na kabahūm̐ dekhī ||

सिसुपन तेम परिहरेउँ न संगू । कबहुँ न कीन्ह मोर मन भंगू ॥
मैं प्रभु कृपा-रीति जियँ जोही । हारेहू खेल जितावहिं मोही ॥

sisupana tema parihareum̐ na saṃgū | kabahum̐ na kīnha mora mana bhaṃgū ||
maiṃ prabhu kṛpā-rīti jiyam̐ johī | hārehū khela jitāvahiṃ mohī ||