अध्याय 259: राम भरत की बड़ाई करते हैं

गुरु अनुराग भरत पर देखी । राम-हृदय आनन्द बिसेखी ॥
भरतहि धरम-धुरन्धर जानी । निज-सेवक-तन-मानस बानी ॥

guru anurāga bharata para dekhī | rāma-hṛdaya ānanda bisekhī ||
bharatahi dharama-dhurandhara jānī | nija-sevaka-tana-mānasa bānī ||

बोले गुरु आयसु अनुकूला । बचन मञ्जु मृदु मगंल-मूला ॥
नाथ सपथ पितु-चरन दोहाई । भयउ न भुवन भरत सम भाई ॥

bole guru āyasu anukūlā | bacana mañju mṛdu magaṃla-mūlā ||
nātha sapatha pitu-carana dohāī | bhayau na bhuvana bharata sama bhāī ||

जे गुरु-पद-अम्बुज अनुरागी । ते लोकहुँ बेदहुँ बड़भागी ॥
राउर जा पर अस अनुरागू । को कहि सकइ भरत कर भागू ॥

je guru-pada-ambuja anurāgī | te lokahum̐ bedahum̐ bar̤abhāgī ||
rāura jā para asa anurāgū | ko kahi sakai bharata kara bhāgū ||

लखि लघु-बन्धु बुद्धि सकुचाई । करत बदन पर भरत बड़ाई ॥
भरतु कहहिं सोइ किये भलाई । अस कहि राम रहे अरगाई ॥

lakhi laghu-bandhu buddhi sakucāī | karata badana para bharata bar̤āī ||
bharatu kahahiṃ soi kiye bhalāī | asa kahi rāma rahe aragāī ||