अध्याय 255: भरत हाथ जोड़कर गुरु को उत्तर देते हैं

सब कह सुखद राम-अभिषेकू । मगंल-मोद-मूल मग एकू ॥
केहि बिधि अवध चलहिं रघुराऊ । कहहु समुझि सोइ करिअ उपाऊ ॥

saba kaha sukhada rāma-abhiṣekū | magaṃla-moda-mūla maga ekū ||
kehi bidhi avadha calahiṃ raghurāū | kahahu samujhi soi karia upāū ||

सब सादर सुनि मुनिबर बानी । नय-परमारथ-स्वारथ सानी ॥
उत्तर न आव लोग भये भोरे । तब सिर नाइ भरत कर जोरे ॥

saba sādara suni munibara bānī | naya-paramāratha-svāratha sānī ||
uttara na āva loga bhaye bhore | taba sira nāi bharata kara jore ||

मानु-बंस भये भूप घनेरे । अधिक एक तें एक बड़ेरे ॥
जनम हेतु सब कहं पितु-माता । करम सुभासुभ देइ बिधाता ॥

mānu-baṃsa bhaye bhūpa ghanere | adhika eka teṃ eka bar̤ere ||
janama hetu saba kahaṃ pitu-mātā | karama subhāsubha dei bidhātā ||

दलि दुख सजइ सकल कल्याना । असि असीस राउरि जग जाना ॥
सो गोसाइँ बिधि-गति जेहिं छेंकी । सकइ को टारि टेक जो टेकी ॥

dali dukha sajai sakala kalyānā | asi asīsa rāuri jaga jānā ||
so gosāim̐ bidhi-gati jehiṃ cheṃkī | sakai ko ṭāri ṭeka jo ṭekī ||