अध्याय 254: वसिष्ठ सभा से कहते हैं, राम की आज्ञा सर्वोपरि

बोले मुनिबर समय समाना । सुनहु सभासद भरत सुजाना ॥
धरम धुरीन भानुकुल भानू । राजा राम स्वबस भगवानू ॥

bole munibara samaya samānā | sunahu sabhāsada bharata sujānā ||
dharama dhurīna bhānukula bhānū | rājā rāma svabasa bhagavānū ||

सत्यसन्ध पालक-श्रुति सेतू । राम-जनम जग मगंल हेतू ॥
गुरु पितु मातु बचन अनुसारी । खल दल-दलन देव हितकारी ॥

satyasandha pālaka-śruti setū | rāma-janama jaga magaṃla hetū ||
guru pitu mātu bacana anusārī | khala dala-dalana deva hitakārī ||

नीति प्रीति परमारथ स्वारथ । कोउ न राम सम जान जथारथ ॥
बिधि हरि हर ससि रबि दिसिपाला । माया जीव करम कुलि काला ॥

nīti prīti paramāratha svāratha | kou na rāma sama jāna jathāratha ||
bidhi hari hara sasi rabi disipālā | māyā jīva karama kuli kālā ||

अहिप महिप जहं लगि प्रभुताई । जोग-सिद्धि निगमागम गाई ॥
करि बिचार जिय देखहु नीकें । राम रजाइ सीस सबही कें ॥

ahipa mahipa jahaṃ lagi prabhutāī | joga-siddhi nigamāgama gāī ||
kari bicāra jiya dekhahu nīkeṃ | rāma rajāi sīsa sabahī keṃ ||