अध्याय 253: भरत की सोच भरी रात

कीन्ही मातु मिस काल कुचाली । ईति भीति जस पाकत साली ॥
केहि बिधि होइ राम-अभिषेकू । मोहि अवकलत उपाउ न एकू ॥

kīnhī mātu misa kāla kucālī | īti bhīti jasa pākata sālī ||
kehi bidhi hoi rāma-abhiṣekū | mohi avakalata upāu na ekū ||

अवसि फिरहिं गुरु आयसु मानी । मुनि पुनि कहब राम रुचि जानी ॥
मातु कहेहु बहुरहिं रघुराऊ । राम-जननि हठ करबि कि काऊ ॥

avasi phirahiṃ guru āyasu mānī | muni puni kahaba rāma ruci jānī ||
mātu kahehu bahurahiṃ raghurāū | rāma-janani haṭha karabi ki kāū ||

मोहि अनुचर कर केतिक बाता । तेहि महँ कुसमउ बाम विधाता ॥
जौँ हठ करउँ त निपट कुकरमू । हरगिरि तें गुरु सेवक धरमू ॥

mohi anucara kara ketika bātā | tehi maham̐ kusamau bāma vidhātā ||
jaum̐ haṭha karaum̐ ta nipaṭa kukaramū | haragiri teṃ guru sevaka dharamū ||

एकउ जुगुति न मन ठहरानी । सोचत भरतहि रैनि बिहानी ॥
प्रात नहाइ प्रभुहि सिर नाई । बैठत पठये रिषयँ बोलाई ॥

ekau juguti na mana ṭhaharānī | socata bharatahi raini bihānī ||
prāta nahāi prabhuhi sira nāī | baiṭhata paṭhaye riṣayam̐ bolāī ||