अध्याय 245: भाई गुरुपत्नी और माताओं के चरण छूते हैं

गुरु तिय पद बन्दे दुहुँ भाई । सहित बिप्र लिय जे सँग आई ॥
गंग गौरि सम सब सनमानीं । देहिँ असीस मुदित मृदु बानी ॥

guru tiya pada bande duhum̐ bhāī | sahita bipra liya je sam̐ga āī ||
gaṃga gauri sama saba sanamānīṃ | dehim̐ asīsa mudita mṛdu bānī ||

गहि पद लगे सुमित्रा अङ्का । जनु भेटीं सम्पति अति रङ्का ॥
पुनि जननी चरनन्हि दोउ भ्राता । परे प्रेम व्याकुल सब माता ॥

gahi pada lage sumitrā aṅkā | janu bheṭīṃ sampati ati raṅkā ||
puni jananī carananhi dou bhrātā | pare prema vyākula saba mātā ||

अति अनुराग अम्ब उर लाये । नयन सनेह सलिल अन्हवाये ॥
तेहि अवसर कर हरष बिषादू । किमि कवि कहइ मूक जिमि स्वादू ॥

ati anurāga amba ura lāye | nayana saneha salila anhavāye ||
tehi avasara kara haraṣa biṣādū | kimi kavi kahai mūka jimi svādū ||

मिलि जननिहि सानुज रघुराऊ । गुरु सन कहेउ कि धारिअ पाऊ ॥
पुरजन पाइ मुनीस नियोगू । जल थल तकि तकि उतरेउ लोगू ॥

mili jananihi sānuja raghurāū | guru sana kaheu ki dhāria pāū ||
purajana pāi munīsa niyogū | jala thala taki taki utareu logū ||