अध्याय 244: राम पुरजनों से मिलते हैं, कैकेयी को सांत्वना

आरत लोग राम सब जाना । करुनाकर सुजान भगवाना ॥
जो जेहि भायँ रहा अभिलाखी । तेहि तेहि कै तसि तसि रुख राखी ॥

ārata loga rāma saba jānā | karunākara sujāna bhagavānā ||
jo jehi bhāyam̐ rahā abhilākhī | tehi tehi kai tasi tasi rukha rākhī ||

सानुज मिलि पल महं सब काहू । कीन्हि दूरि दुख-दारुन-दाहू ॥
यह बड़ी बातँ राम के नाहीं । जिमि घट-कोटि एक रबि छाहीं ॥

sānuja mili pala mahaṃ saba kāhū | kīnhi dūri dukha-dāruna-dāhū ||
yaha bar̤ī bātam̐ rāma ke nāhīṃ | jimi ghaṭa-koṭi eka rabi chāhīṃ ||

मिलि केवटिहि उमगि अनुरागा । पुरजन सकल सराहहिँ भागा ॥
देखीं राम दुखित महतारीं । जनु सुबेलि-अवलीं हिम मारीं ॥

mili kevaṭihi umagi anurāgā | purajana sakala sarāhahim̐ bhāgā ||
dekhīṃ rāma dukhita mahatārīṃ | janu subeli-avalīṃ hima mārīṃ ||

प्रथम राम भेंटी कैकेई । सरल सुभायँ भगति मति भेई ॥
पग परि कीन्ह प्रबोध बहोरी । काल करम बिधि सिर धरि खोरी ॥

prathama rāma bheṃṭī kaikeī | sarala subhāyam̐ bhagati mati bheī ||
paga pari kīnha prabodha bahorī | kāla karama bidhi sira dhari khorī ||