अध्याय 241: अकथ मिलन, राम सबसे मिलते हैं

मिलनि प्रीति किमि जाइ बखानी । कवि-कुल-अगम करम मन बानी ॥
परम पेम पूरन दोउ भाई । मन बुधि चित अहमिति बिसराई ॥

milani prīti kimi jāi bakhānī | kavi-kula-agama karama mana bānī ||
parama pema pūrana dou bhāī | mana budhi cita ahamiti bisarāī ||

कहहु सुपेम प्रगट को करई । केहि छाया कबि मति अनुसरई ॥
कविहि अरथ आखर बल साँचा । अनुहरि ताल गतिहि नट नाचा ॥

kahahu supema pragaṭa ko karaī | kehi chāyā kabi mati anusaraī ||
kavihi aratha ākhara bala sām̐cā | anuhari tāla gatihi naṭa nācā ||

अगम सनेह भरत रघुबर को । जहँ न जाइ मन विधि-हरि-हर को ॥
सो मैं कुमति कहउँ केहि भाँती । बाज सुराग कि गाँडर ताँती ॥

agama saneha bharata raghubara ko | jaham̐ na jāi mana vidhi-hari-hara ko ||
so maiṃ kumati kahaum̐ kehi bhām̐tī | bāja surāga ki gām̐ḍara tām̐tī ||

मिलनि बिलोकि भरत रघुवर की । सुर-गन सभय धकधकी घर की ॥
समुझाये सुरगुरु जड़ जागे । बरषि प्रसून प्रसंसन लागे ॥

milani biloki bharata raghuvara kī | sura-gana sabhaya dhakadhakī ghara kī ||
samujhāye suraguru jar̤a jāge | baraṣi prasūna prasaṃsana lāge ||