अध्याय 242: सीता का आशीर्वाद, गुह का समाचार

भेंटेउ लखन ललकि लघु भाई । बहुरि निषाद लीन्ह उर लाई ॥
पुनि मुनि-गन दुहुँ भाइन्ह बन्दे । अभिमत आसिष पाइ अनन्दे ॥

bheṃṭeu lakhana lalaki laghu bhāī | bahuri niṣāda līnha ura lāī ||
puni muni-gana duhum̐ bhāinha bande | abhimata āsiṣa pāi anande ||

सानुज भरत उमगि अनुरागा । धरि सिर धरि सिय-पद-पदुम-परागा ॥
पुनि पुनि करत प्रनाम उठाये । सिर कर-कमल-परसि बैठाये ॥

sānuja bharata umagi anurāgā | dhari sira dhari siya-pada-paduma-parāgā ||
puni puni karata pranāma uṭhāye | sira kara-kamala-parasi baiṭhāye ||

सीयँ असीस दीन्हि मन माहीं । मगन सनेहँ देह सुधि नाहीं ॥
सब विधि सानुकूल लखि सीता । भे निसोच उर अपडर बीता ॥

sīyam̐ asīsa dīnhi mana māhīṃ | magana saneham̐ deha sudhi nāhīṃ ||
saba vidhi sānukūla lakhi sītā | bhe nisoca ura apaḍara bītā ||

कोउ किछु कहइ न कोउ किछु पूछा । प्रेम भरा मन निज-गति छूँछा ॥
तेहि अवसर केवट धीरज धरि । जोरि पानि बिनवत प्रनाम करि ॥

kou kichu kahai na kou kichu pūchā | prema bharā mana nija-gati chūm̐chā ||
tehi avasara kevaṭa dhīraja dhari | jori pāni binavata pranāma kari ||