अध्याय 240: भरत चरणों में गिरे, राम ने हृदय लगाया

सानुज सखा समेत मगन मन । बिसरे हरष-सोक-सुख-दुख गन ॥
पाहि नाथ कहि पाहि गोसाँई । भूतल परे लकुट की नाँई ॥

sānuja sakhā sameta magana mana | bisare haraṣa-soka-sukha-dukha gana ||
pāhi nātha kahi pāhi gosām̐ī | bhūtala pare lakuṭa kī nām̐ī ||

बचन सपेम लखन पहिचाने । करत प्रनाम भरत जियँ जाने ॥
बन्धु सनेह सरस एहि ओरा । उत साहिब सेवा बस जोरा ॥

bacana sapema lakhana pahicāne | karata pranāma bharata jiyam̐ jāne ||
bandhu saneha sarasa ehi orā | uta sāhiba sevā basa jorā ||

मिलि न जाइ नहिँ गुदरत बनई । सुकबि लखन मन की गति भनई ॥
रहे राखि सेवा पर भारू । चढ़ी चङ्ग जनु खैंच खेलारू ॥

mili na jāi nahim̐ gudarata banaī | sukabi lakhana mana kī gati bhanaī ||
rahe rākhi sevā para bhārū | car̤hī caṅga janu khaiṃca khelārū ||

कहत सप्रेम नाइ महि माथा । भरत प्रनाम करत रघुनाथा ॥
उठे राम सुनि पेम अधीरा । कहुँ पट कहुँ निषङ्ग धनु तीरा ॥

kahata saprema nāi mahi māthā | bharata pranāma karata raghunāthā ||
uṭhe rāma suni pema adhīrā | kahum̐ paṭa kahum̐ niṣaṅga dhanu tīrā ||