अध्याय 236: राम के पर्वत के पशु पक्षी

बन प्रदेस मुनि-बास घनेरे । जनु पुर नगर गाउँ-गन खेरे ॥
बिपुल बिचित्र बिहग मृग नाना । प्रजा समाजु न जाइ बखाना ॥

bana pradesa muni-bāsa ghanere | janu pura nagara gāum̐-gana khere ||
bipula bicitra bihaga mṛga nānā | prajā samāju na jāi bakhānā ||

खगहा करि हरि बाघ बराहा । देखि महिष वृष साज सराहा ॥
बयर बिहाइ चरहिं एक सङ्गा । जहँ तहँ मनहुँ सेन चतुरङ्गा ॥

khagahā kari hari bāgha barāhā | dekhi mahiṣa vṛṣa sāja sarāhā ||
bayara bihāi carahiṃ eka saṅgā | jaham̐ taham̐ manahum̐ sena caturaṅgā ||

झरना झरहिं मत्त गज गाजहिं । मनहुँ निसान विविध विधि बाजहिं ॥
चक चकोर चातक सुक पिक गन । कूजत मज्जु मराल मुदित मन ॥

jharanā jharahiṃ matta gaja gājahiṃ | manahum̐ nisāna vividha vidhi bājahiṃ ||
caka cakora cātaka suka pika gana | kūjata majju marāla mudita mana ||

मलि-गन गावत नाचत मोरा । जनु सुराज मङ्गल चहुँ ओरा ॥
बेलि बिटप तृन सफल सफूला । सब समाज मुद-मङ्गल-मूला ॥

mali-gana gāvata nācata morā | janu surāja maṅgala cahum̐ orā ||
beli biṭapa tṛna saphala saphūlā | saba samāja muda-maṅgala-mūlā ||