अध्याय 235: चित्रकूट का वन, सुराज वाला देश

सेवक बचन सत्य सब जाने । आश्रम निकट जाइ निअराने ॥
भरत दीख बन सैल समाजू । मुदित छुधित जनु पाइ सुनाजू ॥

sevaka bacana satya saba jāne | āśrama nikaṭa jāi niarāne ||
bharata dīkha bana saila samājū | mudita chudhita janu pāi sunājū ||

ईति भीति जनु प्रजा दुखारी । त्रिबिधि ताप पीड़ित ग्रह भारी ॥
जाइ सुराज सुदेस सुखारी । होहिं भरत गति तेहि अनुहारी ॥

īti bhīti janu prajā dukhārī | tribidhi tāpa pīr̤ita graha bhārī ||
jāi surāja sudesa sukhārī | hohiṃ bharata gati tehi anuhārī ||

राम-बास बन सम्पति भ्राजा । सुखी प्रजा जनु पाइ सुराजा ॥
सचिव बिराग बिबेकु नरेसू । विपिन सुहावन-पावन देसू ॥

rāma-bāsa bana sampati bhrājā | sukhī prajā janu pāi surājā ||
saciva birāga bibeku naresū | vipina suhāvana-pāvana desū ||

भट जम-नियम सैल-रजधानी । सान्ति सुमति सुचि सुन्दर रानी ॥
सकल अङ्ग सम्पन्न सुराऊ । राम चरन आश्रित चित चाऊ ॥

bhaṭa jama-niyama saila-rajadhānī | sānti sumati suci sundara rānī ||
sakala aṅga sampanna surāū | rāma carana āśrita cita cāū ||