अध्याय 237: गुह बरगद और राम की पर्णकुटी दिखाते हैं

तब केवट ऊँचें चढ़ि धाई । कहेउ भरत सन भुजा उठाई ॥
नाथ देखिअहिं बिटप बिसाला । पाकरि जम्बु रसाल तमाला ॥

taba kevaṭa ūm̐ceṃ car̤hi dhāī | kaheu bharata sana bhujā uṭhāī ||
nātha dekhiahiṃ biṭapa bisālā | pākari jambu rasāla tamālā ||

तिन्ह तरूबरन्ह मध्य बट सोहा । मज्जु बिसाल देखि मन मोहा ॥
नील-सघन-पल्ल्व फल-लाला । अबिरल छाहँ सुखद सब काला ॥

tinha tarūbaranha madhya baṭa sohā | majju bisāla dekhi mana mohā ||
nīla-saghana-pallva phala-lālā | abirala chāham̐ sukhada saba kālā ||

मानहुँ तिमिर-अरुन-मय रासी । बिरची बिधि सँकेलि सुखमा सी ॥
ये तरु सरित समीप गोसाँई । रघुबर परन-कुटी जहँ छाई ॥

mānahum̐ timira-aruna-maya rāsī | biracī bidhi sam̐keli sukhamā sī ||
ye taru sarita samīpa gosām̐ī | raghubara parana-kuṭī jaham̐ chāī ||

तुलसी तरुबर बिबिध सुहाये । कहुँ कहुँ सियँ कहुँ लखन लगाये ॥
बट-छायाँ बेदिका बनाई । सियँ निज-पानि-सरोज-सुहाई ॥

tulasī tarubara bibidha suhāye | kahum̐ kahum̐ siyam̐ kahum̐ lakhana lagāye ||
baṭa-chāyām̐ bedikā banāī | siyam̐ nija-pāni-saroja-suhāī ||