अध्याय 232: राम भरत को रघुकुल का हंस कहते हैं

तिमिरु तरुन तरनिहि मकु गिलई । गगन मग न मकु मेघहिं मिलई ॥
गो-पद जल बूड़हिँ घटजोनी । सहज छमा बरु छाड़ै छोनी ॥

timiru taruna taranihi maku gilaī | gagana maga na maku meghahiṃ milaī ||
go-pada jala būr̤ahim̐ ghaṭajonī | sahaja chamā baru chār̤ai chonī ||

मसक फूंक मकु मेरु उड़ाई । होइ न नृप-मद भरतहि भाई ॥
लखन तुम्हार सपथ पितु आना । सुचि सुबन्धु नहिँ भरत समाना ॥

masaka phūṃka maku meru ur̤āī | hoi na nṛpa-mada bharatahi bhāī ||
lakhana tumhāra sapatha pitu ānā | suci subandhu nahim̐ bharata samānā ||

सगुन-खीरु अवगुन-जल ताता । मिलइ रचइ परपञ्च विधाता ॥
भरत हंस रबि-बंस-तड़ागा । जनमि कीन्ह गुन-दोष-विभागा ॥

saguna-khīru avaguna-jala tātā | milai racai parapañca vidhātā ||
bharata haṃsa rabi-baṃsa-tar̤āgā | janami kīnha guna-doṣa-vibhāgā ||

गहि गुन-पय तजि अवगुन-बारी । निज जस जगत कीन्हि उजिआरी ॥
कहत भरत गुन-सील-सुभाऊ । प्रेम-पयोधि मगन रघुराऊ ॥

gahi guna-paya taji avaguna-bārī | nija jasa jagata kīnhi ujiārī ||
kahata bharata guna-sīla-subhāū | prema-payodhi magana raghurāū ||