अध्याय 23: कैकेयी का कोपभवन में जाना

कुबरिहि रानि प्रान-प्रिय जानी । बार बार बड़ि बुद्धि बखानी ॥
तोहि सम हित न मोर संसारा । बहे जात कइ भइसि अधारा ॥

kubarihi rāni prāna-priya jānī | bāra bāra bar̤i buddhi bakhānī ||
tohi sama hita na mora saṃsārā | bahe jāta kai bhaisi adhārā ||

जौँ बिधि पुरब मनोरथ काली । करउँ तोहि चख पूतरि आली ॥
बहु बिधि चेरिहि आदर देई । कोपभवन गवनी कैकेई ॥

jaum̐ bidhi puraba manoratha kālī | karaum̐ tohi cakha pūtari ālī ||
bahu bidhi cerihi ādara deī | kopabhavana gavanī kaikeī ||

बिपति बीज बरषा-रितु चेरी । भुइँ भइ कुमति कैकेई केरी ॥
पाइ कपट-जल अङ्कुर जामा । बर दोउ दल दुख-फल परिनामा ॥

bipati bīja baraṣā-ritu cerī | bhuim̐ bhai kumati kaikeī kerī ||
pāi kapaṭa-jala aṅkura jāmā | bara dou dala dukha-phala parināmā ||

कोप-समाज साजि सब सोई । राज करत निज कुमति बिगोई ॥
राउर नगर कोलाहल होई । यह कुचालि कछु जान न कोई ॥

kopa-samāja sāji saba soī | rāja karata nija kumati bigoī ||
rāura nagara kolāhala hoī | yaha kucāli kachu jāna na koī ||