अध्याय 22: दो वरदान: भरत को राज, श्रीराम को वन

कुबरीं करि कबुली कैकेई । कपट-छुरी उर-पाहन टेई ॥
लखइ न रानि निकट दुख कैसे । चरइ हरित त्रिन बलि-पसु जैसें ॥

kubarīṃ kari kabulī kaikeī | kapaṭa-churī ura-pāhana ṭeī ||
lakhai na rāni nikaṭa dukha kaise | carai harita trina bali-pasu jaiseṃ ||

सुनत बात मृदु अन्त कठोरी । देत मनहुँ मधु माहुर घोरी ॥
कहइ चेरि सुधि अहइ कि नाहीँ । स्वामिनि कहिहु कथा मोहि पाहीँ ॥

sunata bāta mṛdu anta kaṭhorī | deta manahum̐ madhu māhura ghorī ||
kahai ceri sudhi ahai ki nāhīm̐ | svāmini kahihu kathā mohi pāhīm̐ ||

दुइ बरदान भूप सन थाती । माँगहु आजु जुड़ावहु छाती ॥
सुतहि राज रामहिँ बनबासू । देहु लेहु सब सवति हुलासु ॥

dui baradāna bhūpa sana thātī | mām̐gahu āju jur̤āvahu chātī ||
sutahi rāja rāmahim̐ banabāsū | dehu lehu saba savati hulāsu ||

भूपति राम-सपथ जब करई । तब मागेहु जेहिं बचन न टरई ॥
होइ अकाज आजु निसि बीतें । बचन मोर प्रिय मानेहु जी तेँ ॥

bhūpati rāma-sapatha jaba karaī | taba māgehu jehiṃ bacana na ṭaraī ||
hoi akāja āju nisi bīteṃ | bacana mora priya mānehu jī tem̐ ||