अध्याय 24: बालसखाओं का हर्ष, राजा कैकेयी के घर

बाल सखा सुन हियँ हरषाहीँ । मिलि दस पाँच राम पहिँ जाहीँ ॥
प्रभु आदरहिं प्रेम पहिचानी । पूँछहिं कुसल-षेम मृदु बानी ॥

bāla sakhā suna hiyam̐ haraṣāhīm̐ | mili dasa pām̐ca rāma pahim̐ jāhīm̐ ||
prabhu ādarahiṃ prema pahicānī | pūm̐chahiṃ kusala-ṣema mṛdu bānī ||

फिरहिँ भवन प्रिय आयसु पाई । करत परसपर राम बड़ाई ॥
को रघुबीर सरिस संसारा । सील सनेह निबाहनिहारा ॥

phirahim̐ bhavana priya āyasu pāī | karata parasapara rāma bar̤āī ||
ko raghubīra sarisa saṃsārā | sīla saneha nibāhanihārā ||

जेहि जेहि जोनि करम-बस भ्रमहीँ । तहँ तहँ ईस देहु यह हमहीँ ॥
सेवक हम स्वामी सिय-नाहू । होउ नात यह ओर निबाहू ॥

jehi jehi joni karama-basa bhramahīm̐ | taham̐ taham̐ īsa dehu yaha hamahīm̐ ||
sevaka hama svāmī siya-nāhū | hou nāta yaha ora nibāhū ||

अस अभिलाष नगर सब काहू । कैकय-सुता हृदय अति दाहू ॥
को न कुसङ्गति पाइ नसाई । रहइ न नीच-मतें चतुराई ॥

asa abhilāṣa nagara saba kāhū | kaikaya-sutā hṛdaya ati dāhū ||
ko na kusaṅgati pāi nasāī | rahai na nīca-mateṃ caturāī ||