अध्याय 224: भरत वनवासियों से राम का समाचार पूछते हैं

निज गुन सहित राम-गुन-गाथा । सुनत जाहिँ सुमिरत रघुनाथा ॥
तीरथ मुनि-आस्त्रम सुर-धामा । निरखि निमज्जहिँ करहिँ प्रनामा ॥

nija guna sahita rāma-guna-gāthā | sunata jāhim̐ sumirata raghunāthā ||
tīratha muni-āstrama sura-dhāmā | nirakhi nimajjahim̐ karahim̐ pranāmā ||

मनहीं मन मागहिं बर एहू । सीय-राम-पद-पदुम सनेहू ॥
मिलहिँ किरात कोल बन-बासी । बैषानस बटु जती उदासी ॥

manahīṃ mana māgahiṃ bara ehū | sīya-rāma-pada-paduma sanehū ||
milahim̐ kirāta kola bana-bāsī | baiṣānasa baṭu jatī udāsī ||

करि प्रनाम पूँछहिं जेहिं तेही । केहि बन लखन-राम-बैदेही ॥
ते प्रभु समाचार सब कहहीँ । भरतहि देखि जनम-फल लहहीॅ ॥

kari pranāma pūm̐chahiṃ jehiṃ tehī | kehi bana lakhana-rāma-baidehī ||
te prabhu samācāra saba kahahīm̐ | bharatahi dekhi janama-phala lahahīॅ ||

जे जन कहहिॅ कुसल हम देखे । ते प्रिय राम-लखन-सम लेखे ॥
एहि बिधि बूझत सबहि सुबानी । सुनत राम-बनबास कहानी ॥

je jana kahahiॅ kusala hama dekhe | te priya rāma-lakhana-sama lekhe ||
ehi bidhi būjhata sabahi subānī | sunata rāma-banabāsa kahānī ||