अध्याय 225: गुह वह पर्वत दिखाते हैं जहाँ राम बसते हैं

मङ्गल सगुन होहिॅ सब काहू । फरकहिँ सुखद बिलोचन-बाहू ॥
भरतहि सहित समाज उछाहू । मिलिहहिँ राम मिटिहि दुख-दाह ॥

maṅgala saguna hohiॅ saba kāhū | pharakahim̐ sukhada bilocana-bāhū ||
bharatahi sahita samāja uchāhū | milihahim̐ rāma miṭihi dukha-dāha ||

करत मनोरथ जस जियँ जाके । जाहिँ सनेह सुराँ सब छाके ॥
सिथिल-अङ्ग पग मग डगि डोलहिँ । बिहबल बचन पेम-बस बोलहिँ ॥

karata manoratha jasa jiyam̐ jāke | jāhim̐ saneha surām̐ saba chāke ||
sithila-aṅga paga maga ḍagi ḍolahim̐ | bihabala bacana pema-basa bolahim̐ ||

राम-सखा तेहि समय देखावा । सैल-सिरोमनि सहज सुहावा ॥
जासु समीप सरित-पय-तीरा । सीय समेत बसहिँ दोउ बीरा ॥

rāma-sakhā tehi samaya dekhāvā | saila-siromani sahaja suhāvā ||
jāsu samīpa sarita-paya-tīrā | sīya sameta basahim̐ dou bīrā ||

देखि करहिँ सब दंड-प्रनामा । कहि जय जानकि जीवन रामा ॥
प्रेम मगन अस राज-समाजू । जनु फिरि अवध चले रघुराजू ॥

dekhi karahim̐ saba daṃḍa-pranāmā | kahi jaya jānaki jīvana rāmā ||
prema magana asa rāja-samājū | janu phiri avadha cale raghurājū ||