अध्याय 223: मार्ग के लोग भरत दर्शन को भाग्य मानते हैं

भायप भगति भरत आचरनू । कहत सुनत दुख-दूषन-हरनू ॥
जो किछु कहब थोर सखि सोई । राम-मातु अस काहे न होई ॥

bhāyapa bhagati bharata ācaranū | kahata sunata dukha-dūṣana-haranū ||
jo kichu kahaba thora sakhi soī | rāma-mātu asa kāhe na hoī ||

हम सब सानुज भरतहि देखें । भइन्ह धन्य जुबती-जन लेखें ॥
सुनि गुन देखि दसा पछिताहीँ । कैकइ जननि जोग सुत नाहीॅ ॥

hama saba sānuja bharatahi dekheṃ | bhainha dhanya jubatī-jana lekheṃ ||
suni guna dekhi dasā pachitāhīm̐ | kaikai janani joga suta nāhīॅ ||

कोउ कह दूषन रानिहि नाहिन । बिधि सबु कीन्ह हमहि जो दाहिन ॥
कहँ हम लोक-बेद-विधि हीनी । लघु-तिय कुल-करतूति मलीनी ॥

kou kaha dūṣana rānihi nāhina | bidhi sabu kīnha hamahi jo dāhina ||
kaham̐ hama loka-beda-vidhi hīnī | laghu-tiya kula-karatūti malīnī ||

बसहिँ कुदेस कुगाँव कुबामा । कहँ यह दरस पुन्य-परिनामा ॥
अस अनन्द अचरज प्रति-ग्रामा । जनु मरुभूमि कलपतरु जामा ॥

basahim̐ kudesa kugām̐va kubāmā | kaham̐ yaha darasa punya-parināmā ||
asa ananda acaraja prati-grāmā | janu marubhūmi kalapataru jāmā ||