अध्याय 221: यमुना पार कर भरत पैदल चलते हैं

जमुन-तीर तेहि दिन करि बासू । भयउ समय सम सबहि सुपासू ॥
रात ही घाट घाट की तरनी । आईं अगनित जाहिँ न बरनी ॥

jamuna-tīra tehi dina kari bāsū | bhayau samaya sama sabahi supāsū ||
rāta hī ghāṭa ghāṭa kī taranī | āīṃ aganita jāhim̐ na baranī ||

प्रात पार भये एकहि खेंवाँ । तोषे रामसखा की सेवाँ ॥
चले नहाइ नदिहि सिर नाई । साथ निषादनाथ दोउ भाई ॥

prāta pāra bhaye ekahi kheṃvām̐ | toṣe rāmasakhā kī sevām̐ ||
cale nahāi nadihi sira nāī | sātha niṣādanātha dou bhāī ||

आगें मुनिबर बाहन आछें । राज-समाज जाइ सब पाछें ॥
तेहिं पाछें दोउ बन्धु पयादें । भूषन बसन बेष सुठि सादें ॥

āgeṃ munibara bāhana ācheṃ | rāja-samāja jāi saba pācheṃ ||
tehiṃ pācheṃ dou bandhu payādeṃ | bhūṣana basana beṣa suṭhi sādeṃ ||

सेवक सुहृद सचिव-सुत साथा । सुमिरत लखन-सीय-रघुनाथा ॥
जहँ जहँ राम बास बिस्रामा । तहँ तहँ करहिँ सप्रेम प्रनामा ॥

sevaka suhṛda saciva-suta sāthā | sumirata lakhana-sīya-raghunāthā ||
jaham̐ jaham̐ rāma bāsa bisrāmā | taham̐ taham̐ karahim̐ saprema pranāmā ||