अध्याय 222: गाँव की स्त्रियों का संदेह, क्या राम लौटे

कहहिॅ सप्रेम एक एक पाहीँ । राम-लखन सखि होहिॅ कि नाहीँ ॥
बय बपु बरन रूप सोइ आली । सील-सनेह-सरिस सम-चाली ॥

kahahiॅ saprema eka eka pāhīm̐ | rāma-lakhana sakhi hohiॅ ki nāhīm̐ ||
baya bapu barana rūpa soi ālī | sīla-saneha-sarisa sama-cālī ||

बेष न सो सखि सीय न सङ्गा । आगें अनी चली चतुरङ्गा ॥
नहिँ प्रसन्न-मुख मानस-खेदा । सखि सन्देह होइ एहिं भेदा ॥

beṣa na so sakhi sīya na saṅgā | āgeṃ anī calī caturaṅgā ||
nahim̐ prasanna-mukha mānasa-khedā | sakhi sandeha hoi ehiṃ bhedā ||

तासु तरक तिय-गन मन मानी । कहहिँ सकल तेहि सम न सयानी ॥
तेहि सराहि बानी फुरि पूजी । बोली मधुर बचन तिय दूजी ॥

tāsu taraka tiya-gana mana mānī | kahahim̐ sakala tehi sama na sayānī ||
tehi sarāhi bānī phuri pūjī | bolī madhura bacana tiya dūjī ||

कहि सप्रेम सब कथा-प्रसङ्ग । जेहि बिधि राम-राज-रस-भंगू ॥
भरतहि बहुरि सराहन लागी । सील सनेह सुभाय सुभागी ॥

kahi saprema saba kathā-prasaṅga | jehi bidhi rāma-rāja-rasa-bhaṃgū ||
bharatahi bahuri sarāhana lāgī | sīla saneha subhāya subhāgī ||