अध्याय 220: इन्द्र भरत को सराहते हैं, समाज यमुना पहुँचा

सत्यसन्ध प्रभु-सुर-हितकारी । भरत राम-आयसु अनुसारी ॥
स्वारथ-बिबस बिकल तुम्ह होहू । भरत दोष नहिँ राउर मोहू ॥

satyasandha prabhu-sura-hitakārī | bharata rāma-āyasu anusārī ||
svāratha-bibasa bikala tumha hohū | bharata doṣa nahim̐ rāura mohū ||

सुनि सुरबर सुरगुरु-बर-बानी । भा, प्रमोद मन मिटी गलानी ॥
बरषि प्रसून हरषि सुरराऊ । लगे सराहन भरत सुभाऊ ॥

suni surabara suraguru-bara-bānī | bhā, pramoda mana miṭī galānī ||
baraṣi prasūna haraṣi surarāū | lage sarāhana bharata subhāū ||

एहि बिधि भरत चले मग जाहीँ । दसा देखि मुनि सिद्ध सिहाहीं ॥
जबहिँ राम कहि लेहिँ उसासा । उमगत पेमु मनहुँ चहुँ पासा ॥

ehi bidhi bharata cale maga jāhīm̐ | dasā dekhi muni siddha sihāhīṃ ||
jabahim̐ rāma kahi lehim̐ usāsā | umagata pemu manahum̐ cahum̐ pāsā ||

द्रवहिॅ बचन सुनि कुलिस पखाना । पुरजन पेमु न जाइ बखाना ॥
बीच बास करि जमुनहिँ आये । निरखि नीर लोचन जल छाये ॥

dravahiॅ bacana suni kulisa pakhānā | purajana pemu na jāi bakhānā ||
bīca bāsa kari jamunahim̐ āye | nirakhi nīra locana jala chāye ||