अध्याय 215: मुनि के वैभव में भी भरत अडिग

मुनि प्रभाव जब भरत बिलोका । सब लघु लगे लोकपति लोका ॥
सुख समाज नहिँ जाइ बखानी । देखत बिरति बिसारहिँ ज्ञानी ॥

muni prabhāva jaba bharata bilokā | saba laghu lage lokapati lokā ||
sukha samāja nahim̐ jāi bakhānī | dekhata birati bisārahim̐ jñānī ||

आसन सयन सुबसन बिताना । बन बाटिका बिहग मृग नाना ॥
सुरभि-फूल फल-अमिय समाना । बिमल जलासय विविध विधाना ॥

āsana sayana subasana bitānā | bana bāṭikā bihaga mṛga nānā ||
surabhi-phūla phala-amiya samānā | bimala jalāsaya vividha vidhānā ||

असन पान सुचि अमिय अमी से । देखि लोग सकुचात जमी से ॥
सुर-सुरभी सुरतरु सबही कें । लखि अभिलाष सुरेस सची कें ॥

asana pāna suci amiya amī se | dekhi loga sakucāta jamī se ||
sura-surabhī surataru sabahī keṃ | lakhi abhilāṣa suresa sacī keṃ ||

रितु-बसन्त वह त्रिबिधि बयारी । सब कहँ सुलभ पदारथ चारी ॥
सक चन्दन बनितादिक भोगा । देखि हरष-बिसमय बस लोगा ॥

ritu-basanta vaha tribidhi bayārī | saba kaham̐ sulabha padāratha cārī ||
saka candana banitādika bhogā | dekhi haraṣa-bisamaya basa logā ||