अध्याय 210: तुम्हारा दर्शन हमारे तप का फल

कीरति-बिधु तुम्ह कीन्हि अनूपा । जहँ बस राम-प्रेम मृग-रूपा ॥
तात गलानि करहु जियँ जाये । डरहु दरिद्रहि पारस पाये ॥

kīrati-bidhu tumha kīnhi anūpā | jaham̐ basa rāma-prema mṛga-rūpā ||
tāta galāni karahu jiyam̐ jāye | ḍarahu daridrahi pārasa pāye ||

सुनहु भरत हम झूठ न कहहीॅ । उदासीन तापस बन रहहीं ॥
सब साधन कर सुफल सुहावा । लखन राम सिय दरसन पावा ॥

sunahu bharata hama jhūṭha na kahahīॅ | udāsīna tāpasa bana rahahīṃ ||
saba sādhana kara suphala suhāvā | lakhana rāma siya darasana pāvā ||

तेहि फल कर फल दरस तुम्हारा । सहित पयाग सुभाग हमारा ॥
भरत धन्य तुम्ह जसु जग जस जयऊ । कहि अस पेम मगन मुनि भयऊ ॥

tehi phala kara phala darasa tumhārā | sahita payāga subhāga hamārā ||
bharata dhanya tumha jasu jaga jasa jayaū | kahi asa pema magana muni bhayaū ||

सुनि मुनि बचन सभासद हरषे । साधु सराहि सुमन सुर बरषे ॥
धन्य धन्य धुनि गगन पयागा । सुनि सुनि भरत मगन अनुरागा ॥

suni muni bacana sabhāsada haraṣe | sādhu sarāhi sumana sura baraṣe ||
dhanya dhanya dhuni gagana payāgā | suni suni bharata magana anurāgā ||