अध्याय 209: भरत का यश, कभी न अस्त होने वाला चन्द्रमा

नव-बिधु-बिमल तात जस तोरा । रघुबर-किङ्कर-कुमुद चकोरा ॥
उदित सदा अँथइहि कबहूँ ना । घटिहि न जग नभ दिन दिन दूना ॥

nava-bidhu-bimala tāta jasa torā | raghubara-kiṅkara-kumuda cakorā ||
udita sadā am̐thaihi kabahūm̐ nā | ghaṭihi na jaga nabha dina dina dūnā ||

कोक तिलोक प्रीति अति करिहीं । प्रभु प्रताप-रबि छबिहि न हरिहीॅ ॥
निसि दिन सुखद सदा सब काहू । ग्रसिहि न कैकइ करतब राहू ॥

koka tiloka prīti ati karihīṃ | prabhu pratāpa-rabi chabihi na harihīॅ ||
nisi dina sukhada sadā saba kāhū | grasihi na kaikai karataba rāhū ||

पूरन राम सुपेम पियूषा । गुरु-अपमान दोष नहिँ दूषा ॥
राम भगत अब अमिय अघाहूँ । कीन्हेहु सुलभ सुधा बसुधाहूँ ॥

pūrana rāma supema piyūṣā | guru-apamāna doṣa nahim̐ dūṣā ||
rāma bhagata aba amiya aghāhūm̐ | kīnhehu sulabha sudhā basudhāhūm̐ ||

भूप भगीरथ सुरसरि आनी । सुमिरत सकल सुमङ्गल-खानी ॥
दसरथ-गुन-गन बरनि न जाहीँ । अधिक कहा जेहि सम जग नाहीँ ॥

bhūpa bhagīratha surasari ānī | sumirata sakala sumaṅgala-khānī ||
dasaratha-guna-gana barani na jāhīm̐ | adhika kahā jehi sama jaga nāhīm̐ ||